1-to Kongresi taro IRU
An o 1971 berš ikerdo si o Jekhto Kongresi taro IRU an o Orpingon - London, Bari Britania.
Than lele 23 membria taro 9 thema - Čehoslovakia, Finska, Norveška, Francia, Bari Britania, Germania, Ungaria, Irska, Špania thaj Jugoslavia, a sar opservatoria sine i Belgia, Kanada, India thaj SAD. Sine formirimi 5 komisie - sociala, edukacia, holokausti, čhib thaj kultura. Andi si decizia te ovel romano flago, i himna "Dželem, Dželem" thaj i terminologia " Cigani" irami si ko " Roma"
2-to Kongreso taro IRU
Ano 1978 berš ikergja pe an i Ženeva - Švajcaria thaj than lele 120 delegatora taro 26 thema. Tegani definitivno ko than o anav Internacionalno Romano Komiteto te ovel transformirime an o anav -Internacionalno Romani Unia - IRU
3-to Kongreso taro IRU
O trinto kongreso ikergja pe an i diz Getingen - Germania ko maj 1981 berš kote than lel 600 delegatora taro 28 thema. Odothe si dendi deklaracia o Roma te oven sar nacionalno minjoriteti taro Indisko jeripa.
4-to Kongreso taro IRU
Ko 1990 berš ikergja pe o štarto kongreso an i Polska ki diz Serok kote than lele 250 delegatia- Tema thaj diskusie sine - reparacia taro Dujto lumiakoro maripa, edukacia, kultura, enciklopedia thaj čhib. Ko jekh 8 April sine havljardo sar Internacionalno dive e Romengoro, sar lipa e avgo ikerde romane kongreseske ko 1971 berš
5-to Kongreso taro IRU
Ikerdo si an i Praga - Čehoa an o juli 2000 berš, a o Emil Ščuka sine alusardo sar prezidento. Sine havljardi deklaracia sar Romani nateritorialno nacia
6-to Kongreso taro IRU
Ikerdo si ki diz Lančiano an i Italia ko 8 thaj 9 oktomvri 2004 berš kote than lele 200 delegatia taro 39 thema. Nevo prezidenti sine notirime o Stahiro Stankievič tari Polska thaj nevo IRU prezidenti an o IRU Parlamento o Dragan Jevremovič -Austria
7-to Kongreso taro IRU
Ikerdo si an o Zagreb - Kroatia ko oktomvri 2008 berš kote than lele paše 300 delegatora taro 28 thema , notorime dokumentea te tamikerel pe plani buvljaripaske e romane nacionalnostenge.
8-to Kongreso taro IRU
Akava kongreso si ikerdo an o Sibiu - Romania aprilo 2013 berš , kote paše 250 delegatora taro 34 thema alusardo si nevo prezidento an o IRU, o Florin Čioaba tari Romania.
9-to Kongreso taro IRU
Palo meripa e aktuelno prezudenteske taro IRU o Florin Čioaba, ikergja pe 9-to kongreso an o Sibiu ko 2014 berš ko masek juni kote o than sar prezidento an o IRU anavkerdo si o Dorin Čioaba. Ko akava kongreso anavkerdo si o avgo Premiero an o IRU o Zoran Dimov tari Makedonia
