Pali inicijativa taro nevo alusardo prezidento e IRU Parlamentoske so sine alusardo an o agorutno Parlamentarno dikhiba an o Skopje, o Stevo Balog atro 7 dži ko 9 decembro 2015 berš ka ikerel pe dikhipa e IRU Kabinetoske, kote ka kerel pe strategia vaš majodorigutno butikeripa tari IRU thaj olakere plania thja proektora.
Ani agenda maškar koordinacia ka ovel phravdi tema vash o Statuto taro IRU thaj oleskoro dopheriba neve kanonecar, so ka kerel majdemokratsko funkcia an o IRU.
Ano kava khidipa trujal o prezidento taro IRU Parlamento o Stevo Balog - Austria than ka len o aktuelno Prezidento an o IRU Dorin Čoaba - Romania, o Premiero an o IRU Zoran Dimov - Makedonia, o prezidento an o Kriso Stefan Palison- Sweden, o vice prezidentia an o IRU Parlamento o Stefan Kuzchov - Sweden, thaj o Antun Conka - Srbia, o gen.sekretari an o IRU Parlamento o Veli Husein - Croatia, o membrora an o IRU Kabineto o Orhan Galjuš - Holandia, Gregor Larlund - Sweden, Adama Aladar - Ukraina, Oleg Kozlowski - Belorusia, thaj o gen.sekretaro an o IRU kabineto o Ramuš Muarem - Makedonia.
An o kava dikhiba an i Viena, akharde si sar misafiria thaj aver uče politikakere manuša taro austrisko politikane partie, kote šaj te keren pe dikhipa, thaj konekcia vash butikeripa, sa so si phanlo e romane problematikasa an o thema tari lumia thaj Europa.
