Sar so sine notirime anglutne kaj i Internacionalno Romani Unia -IRU kote presidento si o Zoran Dimov , reslja ECOSOC asociativno statusi an o Unime Nacie.
Te šaj majodorig te džal o aktiviteto taro IRU thaj i kolaboracia e UN-ea thaj o ofisoa an o Njujork, Ženeva thaj Viena , o IRU putrela pire ofisoa an o dizja so si ekipirime membroncar taro IRU so ka len than an o aktivitetoa thaj mitingoa an o UN.
Angleder an o Njujork piro ID idetnifikacisko numero sar ECOSOC kartia identifikujngja pe o Anatoli Butakov barabutne e Barry Fisher so ka oven an o ofiso an o Nujorko , Amerika.
Akala divesa o vicepresidento an o IRU o Aguš Demirovski verificiringja piro asociativno membripa thaj ID ECOSOC numero an i Ženeva Švajcaria.
Akala divesa udžarel pe akava akti te kerel pe i procedura tahaj an o ofiso an i Viena, Austria.
Taro akava aktia dikhela pe kaj o IRU zorale sar Romani organizacia an o lumiakoro nivelo lelja baro than an i politika so si konektirime e Romencar taro sa o meridiania.
