Taro 19 dži ko 21 avgusto pali akahrin tari Lumiakoro Konsilo Khangirengoro WWC kaskoro ofiso si an i Ženeva sine dikhiba e membroncar tari Internacionalno Romani Unia -IRU thaj uče funkcioneria taro WWC.
I IRU delegacia sine legardi taro IRU Presidento Zoran Dimov thaj o Lars Demeter tari Švedska thaj Tomas Acton em o Martin Burell tari Britania.
Liparibaja i paše kolaboracia maškar o WWC thaj o IRU taro Jekhto Kongreso ko 1970 berš. I IRU thaj i WCC sine inspiririme te keren palem reanimacia i kolaboracia prekal Memorandumo so šaj kerel panda majzoraleste thaj te bajraren thaj lačharen o satutso thaj realiteto e Romenge, Sintia thaj Travelsia an i sasti lumia.
Te šaj ovel siguriteto kaj i religia si kotor taro plania thaj i programa o IRU formiringja thaj Komisia vash religia . E Komisia si la obligacia te kerel promocia e religiozno tromalipaske thaj dialogo thaj motivacia moralno viziake so šaj del suporto e Romenge te keren amortizacia an o religiakere diferencie an o pervazia tari pli alusaribaskiri jekhin thaj te den antvorto e majbare manušikane rizikonge taro akava vaktikonektiribaja o komplicirime pučimata e manušikane pakjavipaske.
O IRU džanela kaj i bari historia thaj o džanlipa taro WCC ko akala pučimata ka keren barabutne buti bašo jekhipa, tromalipa akcentea ko Roma.
O Memorandumo maškar o IRU - WCC akharela an i barabutni koordinacia :
- Ko prevazia an o buvle simantre bukjake taro o duj riga konekcijaja socialno, humanitarno thaj ekonomikane resarinaja te del pe suporto e Romenge, Sintia thaj Travelsia taro diferentno lumiakere regionia te šaj dživdinen sar dostoinstveno thaj jekh a jekh.
- Ko keriba barabutne mitingoa te hulaven džanlipa thaj lačhe praktike ko tamikeriba kapacitetoa thaj edukacia akcentoa taro buvljaripa majintegiriano akcepcia thaj barabutni kolaboracia te den suporto e IRU te zojrakerel starteško prioritetoa an i prii buti.
- Sar džovapi ano globalno krize thaj konfliktoa so kerena presia thaj bibaht ko Roma konekcijaja thaj i diskriminacia , genocido thaj naturakere katastrofe so dislocirinen e Romen taro olengere khera thaj nane len fundavutno niami bašo dživdipa prekal:
- a. barabutne proektoa te vazdel pe i gind thaj naracia e paramisiake an i romani historia thaj aktuelno realiteto;
- b. Konekcia specialno romane divesa thaj olengiri notacia ( 8 Aprilo, 2 Avgusto) an o kalendari e WWC te del suporto tevazdel pe o IRU profilo thaj e Romen generalno prekal WCC stipendie taro khangirakere thaj ekumensko partenria ;
- c) barabutni delegacia an i visita taro solidariteto ko desave regionia kote o Roma si viktimia taro teroro thaj te anel pe faisali thaj te zapendžaren e situaciaja e internacionalno jekhina thaj organizacien.
