Aso i notacia 74 berša taro dive kana an i rakj mašlar 2 thaj 3 Avgusto sine likvidirme paše 3.000 Roma an o logoro ko Aušvic, i Internacionalno Romani Unia - IRU akcentiringja akava momento.
Ola an i piri vaktavin. tari rig e Presidentoske taro IRU o Zoran Dimov notirinel pe kote thaj palo 74 berša majodoriga i romani nacia si akceptirimi an o "tromalo holokausto" tari rig desave themenge an i lumia.
Trubul sako drom o IRU pire membroncar thaj aver Romane thaj naromane organizacie , o thema thaj i internacionalno institucie te keren zori te eliminirinel akala segmentia , o negativno konteksto mujhal o Roma taro sa o aspektia.

Akava dive trubul savore te den suporto te notirinel pe ko majučo nivelo зthaj an o kontinuiteto te bičhaven mesažoa an i sa relevantno institucie , soske te traingja pe akale aktenge odova si sar hejg forma kaj mukhel pe te keren pe akala negativno trendoa.
Trubul majbari mobilizacia thaj phravdo suporto taro sa o riga. O 2-to Avgusto 1944 berš kerdilo, numa na tromal te bistrel pe thaj te ovel.

A odoleske e themakere thaj europakere instiucie thaj e lumiakere organizacie te oven buvleste piterde ko faisali e problemonge so si an o Roma. Trujal deklarativno trubul thaj konkretno aktiviteto thaj deiba baro suporto.

Odoleske motivirina sa e amare delegatora thaj membrora an o IRU thaj aver romane aktivistora jaliorganizacie manušikane niamenge ko kontinuiteto teroden pire niamia thaj bizi te trainen an o faktia.
Salde agjaar o 2 Avgusto ka ačhol an i memoria, thaj savore sar jekh nikana ma te iranel pe - notirinel pe an o komentaro tari Internacionalno Romani Unia - IRU an i notacia e 2-to Avgustoske - dive taro Romano Holokausto.

fShare

Tweet