An o 21 martu agorkerela jekh berš taro 10-to IRU Kongresi so ikergja pe persi berš an o Skopje, Makedonia. Kobor importantno sine akava Kongresi vakerel o fakti kote than thaj suporto lele upreder 50 deleagtia taro 30 thema taro 5 kontinentia.

Trujal delegatia tari Europa, ple delegatia so angje bašo validiteto e Kongreseske an o IRU sine thaj taro USA, South Amerika, (Brasil thaj Argentina), Asia (India) thaj Australia.

An o akava Kongresi alusargja pe nevo Presidiumo so khuvgja i funda jekhe neve demokratsko procesi an i IRU politika.

E planoncar thaj agende jekh berš palo odova o IRU an o čekat e neve presidentea o Zoran Dimov dengje e IRU ske nevi dimenzia.

Odoja nevi dimenzia si baro aktiviteto diferencijaja taro anglutne IRU mandatia kote sine salde kašuke opservatoria sa okova so kerel pe sine e Romane naciake.

Akava IRU saste pire kapacitetea thja kredibiliteto kerel buti thaj angažiriniela pe te vazdel o IRU an o jekh majbaro nivelo sar platforma.

Odova si fakti soske si ando Plano thaj programa an o IRU dži ko 2020 berš a ko jekh formiringje pe mobilno timo sar so si o Komisie, kote isi asavke aktivistia e Romane hakoenge saste an i lumia.

O proektia sar so si Demokratikani Transicia, Naučno sumpoziumo, proektia vash Holokasuti, tradicia, čhib, manušikane hakoa, kultura thaj aver si salde kotor taro aktivitetia so kerela akava IRU thaj realizacia.

Mitingia, kontaktia, diskusie, realizacia thaj aver si salde tikno kotor kote o IRU kerel zori sako drom te ovel an o aktuelno momenti taro aktivitetia.

O IRU lel jekh aver nevi pozicia kote so beršencar iranil i pativ an i majbaro kotor e Romane populaciake thaj o kredibiliteto thaj pativ an o IRU so ko agorutni dekada pohari našavgje la.

Odoleske fakti si kote o IRU si le respekto sar so si o relevantno institucie i EU, Euoropakiri Komisia, Parlamento, ERTF, Konsilo, UN thaj aver internacionalno institucie.

Odoleske fakti si kote akava IRU ko čekat e Presidentea o Zoran Dimov ko sasto akava periodo sikavgja okoja rog so nane la a odova si o repeskto i pativ maškar IRU membrora bizo hulaviba thja sa odova an o jekh demokratsko thaj transparentno forma.

O IRU piew perogramaja kerela zori panda majbare aktiviteteske so ka phanel jekh cikluso tari nevi potzitivno percepcia e IRU-ske.

Odoleske trubul but buti, angažmano thaj realizacia. Akava IRU si ko majlačho drumo te kerel realizacia akale momenteske.

fShare

Tweet