Sar dži ko čačipa? Pučiba so si maškar sa involvirime an i majbari Internacionalno Romani organizacia - IRU.

Atakia, šubikerin, phravde fukaripa prekal socialno netvorko, diskreditacia e personenge, malverzacie, čoriba, thaj aver bilačhe elementia an o vokabularo so sine kerdo ko nakhlo periodo maškar nekanutne thaj aktuelno  membria an o IRU thaj aver organizacie tari aver rig.

Šaj li te čhivel pe agorthaj te arakhel pe decizia vash nesave dileme, ko si thaj kobor si došalo neko ?

Pali iniciativa taro Presidento an o IRU Parlamento o Stevan Radul Balog inicirinela pe kampanja: " Ko teleperavel o pozicie vash an o anav e Romenge"? - Kampanja vash Video Konferencia e Tradicionalno Romano Kriso!

An i iniciativa taro IRU Parlamenteskoro presidento o Balog del decizia e Šefoske vash o Tradicionalno Romano Kriso o Gregor Larlsun te formirinel timi taro independientet membria kote pire rigatar o IRU  sar šefo si o Gergor Larlsun, o egzekutivno membro an o IRU thaj pendžardo romano aktivisto o Grattan Puxon thaj o Presidento an o IRU Parlamento o Stevo Radul Balog thaj dopherdo timo taro aver 4 membrora pendžarde Romane aktivistoras so si len džanlipa thaj buti an o Romano Tradicionalno Kriso, kote an o 18 septemvro 2016 berš - Kurko taro 13:00 o časo an i direktno Video Konferencia ka kerel pe akti thaj opservacia vash sa o teme taro persone so ka oven an i lista vash opservacia.

O Tradicionalno Romano Kriso ka kerel aktiviteto vash o IRU Statuto dikhibaja i Šerutnipa 7 an o membroa 48, 49 thaj Membro 53 an o nukte taro 1 dži ko 4.

Pendžardo si kote an i odoja Video Konferencia trujal o timo vash Tradicionalno Romano Kriso than ka len o targetirime - notirime romane aktivistia so ko periodo sa nakhlja sine anavkerde sar persone so si len involvacia vash teleperaviba an o funkcie . O manuša so ka oven sar Krisime an i Video Konferencia si: Zoran Dimov - Makedonia, Dorin Čoaba - Romani Nortmund Rudević - Latvia, Jovan Damjanovič - Srbia, Bajram haliti - Srbia, Gruja Bumbu - Romania, Vasilie Drangoi - Moldavia, Stanisalv Stankijevich - Polska, Dragoljub Ackovič - Srbia, Mihai George Nedelcu - Romania, Daniela Irina Hamidovič Magureani - Germania, Aleksandar bariev - Rusia thaj Džimi Stoika - USA.

sa akala anavkerde persone ki desavi forma si notirime jali maškar peste notirime sar došale an o pire fukcie. Sa ola trubul te len than dikertno thaj te den demanto thaj te vakergje desave anomalie te sikaven dokumentia thaj faktia.

Ko kurko so avela ka oven savore informirime vash leiba aktivno than an i akaja Video Konferencia taro Tradicionalno Romano Kriso.

fShare

Tweet