Ko eratutno dive an i ambasada taru Rusiakiri federacia an i RM sine dikhiba maškar o ambasadori Oleg Šerbak thaj o Presidento tari Internacionalno Romani Unia - IRU o Zoran Dimov. O mitingo sine organizirime panda ko vakti taro Parlamentarno khidipa taro IRU Parlamento ko masek juli an o Skopje, kote ki jekh taro debate taro IRU Parlamento than lelja thaj o membro tari rusiakiri ambasada o rajo Vladimir Tkačenko sar jekhto sekretaro. Ki odoja debatra sine inicirimo o mitingo e ambasadorea o Oleg Šerbak.

Ko direktno lafikeriba kerel pe sine lafi baši i situacia E Romencar an i rusko federacia thaj o momenti arakhiba decizia kote i romani jekhin arakhlja pe ko desave kotora tari rusiakiri them, thaj o pnedžardo incidento e Romencar an i diz Tula ki romani mahala Plehanovo . Ko mitingo sine notirime kote o ambasadori Šerbak informiringja e rajo Zoran Dimov kote sa okola nahaljoviba an i romani mahala Plehanovo si failaskerde thaj irame si ki normala o konekcie.

Ko jekh kergja pe lafi baši kooperacia ko proektia maškar i Rusko federacia tahj o IRU so si konektirime e romane kulturaja, tradicia, historia, edukacia, sociala thaj aver.

fShare

Tweet