O Zoran Dimov sar Prezidento an o IRU persi berš lelja savala te del suporto e phure Romenge thaj olengere majpašenge ko konekcia te resen love tari rig e Germansko penzisko fondestar sra jekh forma penzia sar maribaskiri reparacia anavkerdi prekal o proekti "Buti ko geto". Ov kergja animacia thaj organiziringja e romane populacia te den dokumentia taro phure Roma so si biame taro 1945 berš thaj phureder.
Ki odoja kampanja bukvalno sone mukhlo korkori te prastal barabutne e organizaciaja taro RDICM te arhivirinel thaj te bičhavel o dokumentia taro phure Roma. Palo odoja procedura ov buičhavgja len dži ko germaniakoro Penzisko Fondi an o Berlin te dikhen pe thaj te anen decizia.
Trujal o Roma tari makedonia sar kompenzacia apliciringje phure Roma thaj tari Srbia.
Odova sine sa persi berš ko mart . Odtegani pa sa dđi avdive odoja procedura khuvgja ko jekh kotor sar administrativno lavirinti. Interesno si so isi aver manuša so keren osptrukcie an i odoja procedura. Odoja opstrukcia si tipično romenge sar so si " Rom romeske ikavel o jakha".
Majanglal o proekti si purano 10 berša thaj sine validno angleder themenge taro Ost Europa , thaj palo odova reslja šansa thaj e balkansko themenge. Numa nesave "romane patriotia" tari Srbia istemalkergje i lokhi godi e Romengiri so anglutne kergje aplikacia djebaja desave " hohavne navalidno personalno informacie" . Odova majbut legarel pe ki buti so kergja la o Dragoljub Acković taro Beograd sasto lavirinti thaj konfuzia.
Akana kana resen o neve aplikacie e Romenge tari Srbia o germansko penzisko fondi iranel len napala sar "navalidno" Sa odova kerle refleksia thaj upral o aplikacie e Romenge tari Makedonia kote e germaniakoro govermento rodel faktia kaj ki Makedonia sine specialno romane getia!
O roma taro savakti dživdinena sine ko getia si li ola phravde, phanle jali oficialno?
Si li akava jekh forma lingokeriba procedura te resel pe dži ko pozitibvno akti te oven so majhari roma so ka len reparacia?
Odola si phure Roma (upreder 70 berša phuripa) a dživdipaskoro veko e Romengoro si but tikno.
Akaja forma administrativno decizia trubul te prekontorlirinel pe thaj te anel pe jekh vakteskiri pozitivno andi decizia . Oj si finansisko importantno akale phure mučime romane naciake.
Nane fer te khelel pe neko e jaziajaj taro akala phure manupa. Majhari ko agor sar majdošalo te ikljol okova so majbut buti kergja o Zoran Dimov -o prezidenti taro IRU
