O 40 beršengoro romano aktivisti tari Polska Žerard Linder havljargja plo aviba an o 10-to Kongresi tari Internacionalno Romani Unia - IRU anm o Skopje so ka ikerel pe taro 18 dži ko 20 marti akava berš.
Ov ko Kongresi ka prezentirinel kotor taro plo angažamnai sar delegato an o IRU tari Polska a ka lel aktivno than an i relizacia ko avutne plania taro IRU ko periodi so avela.
O Žerard jali majpendžardo psevdonimea sar kik boksersko šampioni - " O Kalo Dragoni"
O Linder si vicešampioni ko kik boksi thaj aver miks kote te arakhel i titula sine le 4 viktorie thaj 1 našavdo meči . Oleskoro jekhutno našavdo meči sine mujal o teganutno polsko šampioni Timoteuz "Omen" Savtek.
Trujal oleskiri kariera sar kik bokseri o Linder si pendžardo romano aktivisti an i pli biami diz Andričo. Ov si fundavutno thaj šerutno treneri e sportsko halake thaj školake "Kalo Dragon". Ov ko jekh kergja i mangin premal o kik boksi te sikavel pel čhave so sine leske treneri ko kik boksi, thaj oleskoro čhavo ko jekh reslja te lel o Polsko kupi kana sine le 16 berša.
