Palo tikno nasvalipa rakjate mulo o thagar e romane muzikake o Ferus Mustafov (72).
O haberi baš leskoro meripa avdive javinate dengje la oleskiri majpaše familia. “Mulo rakjate, em o bilačhe informacie javinate vakergje amenge. But siem dukhavde , pakjaja sine kaj ka sasljol em ka iranel pe amenge, numa bibahtake ake gelo peske. Prekal nesave mediumia hramosargje kaj oleskiri mangin si te ovel parujmo ko Štip, kote so bijandilo thaj akala agorutne berša em dživdinela pire familijaja, numa prekal agorutne informacie ov ka ovel parujm ko Skopje” vakeren tari oleskiri familia.
E Feruse pelo ki koma ko 26 aprilem od tegani sine hospitalizirime ko hospitali “8 Septemvri” . Prekal o lafia taro majpaše ola pakjana sine kaj I situacia ka lačharel pe, numa bibahtake odova na ulo.
O Ferus Mustafov sine ko jekh lungoberšengooro muzikakoro redaktori an I avgo romani privatno televizia TV BTR – thaj sine le but bare muzikakere proektia kerdo baši TV BTR.
