Bari grupa dizutne idžerati iklile an o protesto anglal o elektro centro EVN Makedonia an o drom " Bosna i Hercegovina sebepi čhinavdi distribucia tari struja , Blikirime sine thaj o drumo Kemal Sejfula thaj Bosna i Hercegovina ki komuna Šuto Orizari.
Aso o portparoli taro EVN o Atanas Kovačevski sebepi o šudro vakti ko agorutne nekobor divesa na sine struja ko bulevari Makedonsko - kosovsko brigada ko kotor taro Šuto Orizari , sebepi nakontrolirimi ko desave dizutne nalegalno istemalkerdi struja.
-Trubul te kerel pe rekonstrukcija e tiknenaponsko distributivno netvorko a odova ka kerel pe kana o dizutne ka mukhen e bukjarnen taro EVN te keren buti an o tereno.
O EVN nane problemi an i akaja situacia , numa baš kontra ola mangen faisali. Rekonstrukcijaja ka anel pe ordungo an o hardžiba elektrika, vakergja o Kovačevski.
