Diveseskiri eftino tarifa tari elektrikani energia ka iranel pe ko period taro 11 dži ko 16 oo časi , jail duj časia ko dive , numa dali savore ka resen la taro jekh drom ka athinnel tari I situacia e elektrikane saatencar so ka kontrolirinel len o EVN .
– Palo enkobor berša akana ka iranel pe I eftino tarifa . Keren pe o agorutne kalkulacie ko periodi taro 10 dji ko 15 divesa ka džanel pe ko kova periodi ka implementirinel pe. Akanaske pendžarde si kaj ka ovel duj časia em odova k periodi maškar 11 dži ko 16 o saati kote prekal amare kerde analize, I moldi e elktrikakiri si majeftino . Ka resen li savore k jekh termini te ovel olen ka athinel taro EVN so ka kontrolirinel thaj adaptirinel o saatia. Ka rodel pe majintenyivno te trampinen pe o saatia so našti kontrolirinen pe on line , soske o smart saatia isi but – vakergja o president taro RKE o Marko Bislimovski.
So legarel pe dži ki moldi e elektrikakiri , o Bislimovski vakerela kaj o agorutne analize em nesave operatoria dengje pire moldia .
– I Elektrodistribucia rodinngja I moldi te bajrol taro 32%, a o EVN na dengja rodaripa soske o masek so avela ka kerel o rodaripa tari elektrikani energia, . So legarel pe dži ko iraniba e DDV ko 18%, amen sar Regulatorna komisia o decizie anaja bizo DDV em Amari decizia nane te reflektirinel pe - dophergja o Bislimovski
