O Europakoro centro bašo Romane hakoa (ERRC) thaj o Romano centro an I Vojvodina dengje došperavipaskoro akti mujal policajcoa so ko dive 13.1.2023 berš khuvgje ko kher ki jekh romani familia ko Beograd em atakujngje e membron tari odoooja familia . I Aplikacia baši diskriminacia si dendi dži ko Komesari baši protektiva em ko momenti kerela pe rodaripa dopherde jurisdikciakere opcie e familijake.
Kana kerel pe lafi e Romenge I policia na respektirinel sine o kanonia so kergja o akti.
O komšie ko javinakere saatia zvoningje ki policia ko dive 13.01.2023 berš ki adresa akale romane familiake ki komuna Savski Venac ko Beograd thaj vakergje kaj šunela pe but muzika taro odova kher . Ko odova kher sine o Miloš (36) thaj oleskiri romni I Sofija (27), so si khamni ko eftato masek , em oleskoro bratučedi o Duško (25) thaj olengere čhave. Paše ko 1 o časo palo jekvaš I rakj ko kher resle 3 policajcoa . Phravgje o udara prencar khuvgje bizo nalo gem diskriminiracko em netoolerantno retorikaja khuvgje andre.
O Duško pučlja len sar šaj agjaar te khuven ko jekh kher kote ola odma palkencar počmingje te khuven ole. Tegani o Miloš I Soofia thaj o tikne čhave ačhile anglal olende.
O Miloš ki pli notacia odole rakjake vakergja: „Sine paše 1 o saati rakjate kana o trin policajcoa khuvgje andre ko mlo kher bizo te khuven koo udara. Šhravgje o udara prencar em khuvgje andre. Ačhavgjum I muzika thaj mo unuko pučlja olen ‘ Sar šaj khuven andre bizo nalog ? Tegani poćčmingjum te sniminav , Ola vakergje oleske. Čim sian odokhare goggjaver de amen ti lično karta em avea amencar ko policiakoro stasioni.
Počmiingje zorea te ikaven le taro o kher. A mo unuko vakerel sine lenge kaj ka del lenge pi lično karta te iklile taro kher soske khuvgje bizo te khuven ko udara em na sine len nalog. Pervagje le tele em počmingje te kikeren le taro vasta em o pre te šaj ikaven le avrial. Jekh taro o policajcia lelja mandar o telefoni em koslja sa so snimingjem.
I policia palo odova akhargja panda aver policajcon em kana mangljum te braninav me unuko ola mande da peravgje tele. Mli khamni romni em mi oftoberšengiri čhaj počmingje te braninen mande da olendar, a o policajco khuvgja preja me čhija em vakergja lake “kurav te daja romanja, em khuvgja me khamne romnja vastea ko šero. Palo odova resle panda policajcia , deš džene em khuvgje andre ikavgje mande em me unuko avrial ki avlin em marenamen sine.
Mi romni iklili avrial pali amende ama ola palem khuvgje la ko šero”
O ERRC sikavgja o video so kergje o čhave telefonea em so dikhle sa akava brutaliteti. Odova sine jekkhutni snimka so ačhili tari odoja rat., soske o policajco koslja sa o video taro telefonia so kergje o bare Roma . Ko video oo policajcia ikavena e Duško avrial em sar phanena e Duško em e Miloše te legaren len ko policiajkoro stasioni.
I familia šunela pe sar vakeren kaj nane len pravo te khiuven andre ko kher bizo nalog , dikhena sar maren amen em lena amender o telefonia samo ma te snimina so kerena amenge tumen . Šunela pee m sar I SAofija vakerela lenge “khamni sium” a javer glaso šunela pe sar vakerela “khuvea khamne romnja nane tut niami”.
I Sofia vakergja bašo akava incidenti: “ našti sine te mukhsav sar marena me rome” Mangljum te braninav le a aver policajco vakergja mange na interesirinel man so sian khamni . Palo odova khuvgja man ko šero em guringja man”.
O Duško thaj o Miloš sine legarde ko policiakoro stasioni Savski Venac em sine ikerde ko stasioni 12 časoia kote o policajcia margje olen em diskriminrinen sine len prekal rasno funda . I policia čhivgje len zorea te čhiven signature ko dokumenti so kergje o policajcia a ola ni na drabargje o lil so hramosarel odothe.
ERCC kergja zori te oven em medicinsko faktia bašo resle ratvarina em roden e jurisdikciakere funde te del pe suporto e familiake ko olengoro rodipa o čačipa . O anava taro individue ki akaja vaktavin e mediumenge si šifririme te šaj keren protektiva olengere identeteske.
