Grupa romane askeria maren pe baši Ukraina tari rusko agresia ki 128-to biathinali plainsko atakoskiri brigada bašo Karpat.
Trujal so šaj sinne sare ola te našen tari mobilizacia ola korkori avile ki armia te šaj maren pep ire phuvjake.
„Kana ofto amala thaj me gelem ko Armisko komesarijato an o Svaljavsk e bukjarneske trubul sine vakti te havrel so amen mangaja” vakerela o Mihailo Titičko pendžarutno sar “Baron” bašo informativno servisi “Ukrainsko Pravda”. O oficialno ukrainskoo oficwria ko agor havgje kaj o Roma korkoro mangena em avile te maren pe e Ukrainake.
„O maripa an o 2014 berš mange sine sar šok. Kana dikhljum so ulo palo 24 februari 2022 berš džangjum kaj me da ka džav te marav man. Akon a o avgo dive tegani o dujto, ama moram te džav. Khedingjum me amalen em pučljum len dali ka aven mancar. Mancar ale panda ofto džene. Vakerela o Titičko so si autoriteto ki romano jekhin ko Svaljava kote isi paše 2.000 Roma.
O Titičko si bijamo ko Kazahstan ko 1975 berš a palo odova barabutne pe familijajja ale ki Ukraina ki Zadkarpatia. Sine salde ki funndavno škola kote 100% sine Roma taro Svaljava.
Palo agor e školake o Titićko gelo ko askeri. Nakhlja e askereskiri praktika thaj ulo padobranci.
