Ortodoksno: „Gjurgjovden“ / Muslimansko: Herdelez
O utsavalkeriba ki pakjiv taro o Sveti Gjorgji si jekh taro majimportantno bare dive ko kotor taro Roma taro dakšimalo kotor taro Balkani . Ov si jekh taro raritetno bare divesa so utsavakeren le em o ortodoksno em o muslimansko Roma Ko ortodoksno khangirakoro berš o Herdeleyi perela ko 6 maj , ama o utsavalkeriba šaj kerel pe em dive angleder em nekobor divesa palo 6 maj O muslimansko pandan taro Herdelezi avela taro khorano anav Hıdrelez, so si miksi taro Hızır thaj Elias. Prekal I legenda o dikhiba maškar o Hizir (arabikane: el khadr – „o čajralo“) thaj o Pejgamberi Elijas ko IX veko sine funda bašo akava nekana but popularno khorano baro dive em anglonilaeskoro utsavakeriba.
