Sa o 130 Roma internirime ki jekh lokacia ko vakti taro dujto lumiakoro maripa ko Liberec so palo odova sine mudarde taro nacistoa ko aver logoria. O arheologia tari Čehia arakhle kotora taro konc logoria kote sine phanle e čehiakere Roma ko vakti taro Dujto lumiakoro mariba havljarela e čehiakoro medium “Romea.cz” Trujal so o arheologia angleder džanena sine baši akaja lokacia taro kampo ama o urgentno rodariopa I lokacia kaj si ko čačutno drumo arakhle la o ekspertoa kana randen sine akaja lokacia. Prekal o Radio Praga International randime si em arakhle si duvaria em fundamento taro cigle taro akava objekto em artefaktia , sar so si limeno tahtaja em kotora taro čare. Ko vakti taro dujtop lumiakoro maripa o nacistoa kergje 4 konc logoroa ki teritoria taro Liberec so ko odova vakti sine regionalno centro e Germanconge. Ko periodi 1941 thaj 1943 berš ko akana arakhlo konc logoro sine čhivde pobuter taro 130 Roma so keren sine buti te keren apartmania - khera dživdipaske ko paše than anavkerdo sar Kraliv Haj.
