Šov taro ofto čhave tari romani familia M si biame ko Niedersakson em na pendžarena o khera tari olengere jeria so našle tari Srbia ki Germania ko 1986 em 1990 berš . O Ministeri andrune bukjenge o Borsi Pistorius mangel te kerel deportacia e daja em e dade thaj e čhaven, salde na o čhave sar so si e 19 beršengiri čhaj napalal ki Srbia.
O dat o M. sine ki buti ko medicinakoro ofiso, oleskiri romni kerel sine buti ki geriatria ,amam nasvalili taro stresi sebepi I daravin tari deportacia em sine tromalkerdi tari I buti . O 16 beršengoro čhavo tari akaja familia si le profesia kuvari ama našti kerela kontrakto bukjake soske na dena le bukajkiri viza trujal I kerdi urgencia tari I kompania so kamel e čhave te čhivel le ki buti em te del le bikjakiri viza soske si le odova niami. O Romano centro ko Getingen em aver organizacie vakergje kaj akale familiake trubul suporto em niami te ačhol ki Germania. Salde ki odoja forma o ofto džene nane te trubul te dživdinen ki dar kaj šaj te ove deportirime sako momenti em sako dive.