O anglovakteskere parlamentarno alusariba ki Makedonia ka opservirinen 2.000 kherutne em internacionalno opseravtoria
Premal o rokovniko taro DIK avdive si o agorutno dive dži kana šakjj o kherutne em internacionalno opseravtoria te prijavinen pe bašo monitorigo ko aliusariba.
Dži akana akreditirime si barabutne 2.148 opservatoria sar kherutne em 130 internacionalno.
Taro kherutne majbut opservaotira si taro NGO MOST 905 , taro AKSIOS 2017 – 797, Civil Centar tromalipaske ka ovel len 278 a o Nacionalno Romano Centro – Kumanovo 38 opservatoria
Maškar akreditirime internacionalno opservatoria prekal havljarde informacie havljarde ki web rig taro DIK, 47 si taro OBSE/ODIHIR, I Ambasadatari USA ka ovel 40, IFES štar. Francijakiri ambasada 13, I Ambasada tari Ungaria 10, tari Albania 4. Austria em Švajcaria po 3, Bugaria em Montenegro po 2 a o ambasade tari Holandiaem Kanada po jekh opservatori.
Bašo raportiriba taro alusariba si akreditirime em deš internacionalno žurnalistoa.
