O Europakoro Centro bašo Romane Niamia editiringja kaj jekh 37 beršengiri Romani džuvli em olakoro bebe mule ko Skopje, Utarali Makedonia, kana sine urgentno ande taro hospital ko Ohrid, diz ko paščimalo kotor e themake. I daj resla ko hospitali em udžarel sine saatencar avrial doktorsko kontrolake.

O Romni palo odova sine la komplikacie so rezultiringja meripaka taro olakoro bebe em palo odova oj da muli tari sepsa soske o doktoria palo odova na sine len šajdipa te keren lake reanimacia. O incidento ulo ko 31 marti akava berš.

O pani ki matka kana pharilo oj angleder odova udžargja nekobor divesa te len la ki ginekološko klinika ko Ohrid te pšaj bijanel. Nekobor droma geli dži ki klinika vakerel sine kaj si la bare dukha ama o tretmani na kergje lake em iranen la sine khere.

Oj palo odova definitivno sine legardi ki Ginekologia ko Skopje kote ačhili avrial te udžarel šov saatia te khuvel ko hospitali soske o personali udžarel sine o kerde testia taro COVID 19. O ministeriumi sastipaske palo odova vakergja kaj oj ki koronavirusi sine negativno.

I romni dživdinel sine ko bilačhe šartia pe romea em duj čhave  so sine len po 3 em 6 berša. Sebepi olakiri bilačhi ekonomikani situacia ola na sine la love te dromarel em te kerel ničale ginekološko kontrole dok i khamni.

Link: http://www.romea.cz/en/news/world/north-macedonia-investigation-of-death-of-pregnant-romani-woman-denied-care-for-days-despite-being-in-labor

fShare

Tweet