O roma ko Megjumurije resena palo čhinavipa taro ropstvo ko thana tari avdisutni Romania maškar 1855 thaj 1856 berš kana ki teritorija maškar o Medgjumurie em Podravina resle o avgo Roma „Koritaria“ Ola si katolikia am ko komunakere lila tari Mala Subotica isi notacia kaj o jekhto Rom reslja ko 1 Septembro 1865 berš . Ola si hulavde taro majbaro kotor dizutne tari Hrvatska so generirinela em problemo ki edukacia – nadžanena i hrvatsko čhib.
O Benjamin Ignac (28), terno intelektualci so studirinel politika ko Oksford , alo sar stipendisti tari Blavatnik School of Government, so plo sasto čhavoripa nakhavgja ole ki romani mahala Orehovica.
Palo baro sukceso ki edukacia ki Gimnazia Josip Slavenski ko Čakovec , ov džieducirinel pe avrial tari Hrvatska , maškar so thaj ko United World Collegeu ki Norveška, a diplomirinela ko 2016 berš ki Oklahoma ko USA, kerel buti ko NASA proektia , a palo iraniba an i Europa kerel buti ko Europien Roma Right Centro ki Budimpešta.
Ov vakerel kaj o dende aktia te faisalkeren pe o romane problemoa ko Megjumurie nane lačheste kerde.
O mediumia si natolerantno em ko aniba decizie ikeren i taktika sra iranicionalno akti em napakjiv , jali manipulacia te kerel kontraretorika te iranen pe o rolje ko si čačutne viktimia.
Dikhen amen sar kriminalcia , parazitoa em pharipa e naciake sebepi so isi baro revolti ko narodo em buteder anen decizia sar kolektivno eliminacia jali globa. Akava narativi nane lačho e Romenge ki Hrvatska ,a percepciaja taro romano individualco.
Trubul te tretirinen e Romen individualno ko kerel phagiba e kanoneske , a na ko kolektivno nivelo em generalizacia em odova rehabilitaciaja , a na globaja –vakerel o Ignac.