O Apelaciono kriso ko Debrecen ki pli definitivno andi decizia notiringja kaj ko periodo taro 2004 dži ko 2017 berš o sike taro romano nacionaliteto ki fundavno škola ko Gyöngyöspat sikljovena hulavde , em akale segregaciake sine teleperavde olengere niamia.
E ungariakoro govermento angja akcepcia akale deciziake taro kriso so sine dendo dekreto kaj trubul te pukjinen sar kompenzacia ko romane čhaven so sine viktimia tari segregacia.
Akaja forma tari segregacia sine beršencar napalal ko Gyöngyöspat so si ko utarpaščimalo kotor tari Ungaria.
O Bence Rétvári ministeri manušikane resursenge ko trintodi ki press konferencia vakergja kaj o fundavno em apliaciono kriso „ignororingja o faktia“ so sikavgje i škola em i komunakoro ofiso. Odola dokumentia sikaven sine premal olende kaj nane kerdo nisavo zijani upral o viktimia akale diskriminaciake.
Ov vakergja kaj o Govermenti si hazri te lel kanonikani opservacia em te del e zikankerdenge sar „Kursi baši prakitika“ jali „Edukaciakiri programa“ . Akala programe si ki nafinasisko forma tari kompenzacia , soske o govermenti na kamel te del keš love.
Sar startujngja sa akava. . Ko 2011 berš kana o Komesari taro niamia e minjoritetonge o Ernő Kállai sikavgja o raporti kaj si notirime kaj o romane sikle sine fizičko segregirime ki fundavno škola Nekcesi Demeter ko Gyöngyöspat.
Ki dokumentacia vakerela pe kaj o romane čhave ki fundavno škola sine hulavde taro aver naRomane čhave- O čahve nakanonikane sine hulavde em ki edukacia nanjovipaske.
Upral i finda taro akala dokumentia i Fondacia „Šansa e čhavenge“ (CFCF) dengje krisoskoro akti.
O Fundavno kriso ko Eger ko 2012 berš angja deciza kaj odole čhavenge na del pe sine jekh a jekh edukaciakoro tretmano.
O kriso ko jekh angja decizia kaj ko aver avutno sikljojbaskoro berš te eliminirinen pe akala anomalie so keren pe sine ki škola.
Akaja decizia taro kriso palo odova dengja la suporto em o Metropolitansko em Učo Kriso. Ola rodingje em lovengiri kompenzacia akale čhavenge.
O Apelaciono Kriso ko Debrecin pli definitivno decizia zojrakergja la ko periodo taro 2004 dži ko 2017 berš o romane čhave so siklile ki odoja škola o kriso vakergja kaj odoja škola em odova lokalno ofiso te pukjinen globa taro 100 milionia forinti (300.000 eura) sar kompenzacia.
Link: http://www.portal-udar.net/madjarska-ne-zeli-platiti-odstetu-romima-zrtvama-segregacije/
