„Bahtake ni jekh Rom nane te dživdinel odori , em odori sis a Gadže” notiringja e 16 beršengiri Bashka Sivkovic ki grupa ko Facebook anavkerdi sar “ Grupa molitvake” dopheribaja emtokin vilo.
O specialcia tari slovakiakiri policia ekstremizmoske em natolerancia dikhena em keren kontrola tari akaja rasitikani notacia
I Sivkovic akharel sine e nevikerdoe apartmanoa ki jekh bari bina ko Presov , Slovakia kote ofto džene mule ki eksplozia taro benzini (o ekipe kurtalibaske rodena panda jekhe manuše maškar o mule) But manuša reagiringje bašo akava akti prekal o post ko Internet konektiribaja em aver Roma, a ko jekh em but naRoma sar reakcia ko akava rasizmo.
O komnetaria tari natolerancia ko jekh kergja rodaripa e, e čehiakiri policia. Ko jekh i fotografia tari jekh škola kote sikljoven čhave taro avgo kalso ki Teplice sine jekh taro pendđarutne egzamplia.
Kana o socialno mediumia sikavgje foto taro čhave , so sine arapora, roma em vietnamcoa nesave manuša prekal o socialno netvorko akahren len sine bezobrazno anavencar! O aver dengje propozalo te agorkeren ko gasno komore soske i škola sine ko drom „ Plinska“
