Milja azilantia so si deportirime jali korkoro gele peske tari Germania , iranen pe palem napalal em palem rodena azili, hramosarel I gazeta “ Welt am Sontag”
Dži ko 30 Oktomvbri 2019 berš ki Germania sine 4.916 azilantia so ale ki them duj droma taro 2012 berš, a sine jali deportirime jali korkoro gele peske em palo odova pak irangje pe jali po trinto drom apliciringje azileske, hramosarel I gazeta, citiribaja informacie taro germaniakoro govermento.
Ki Germania isi 1.023 so rodena azili palo štarto drom,a 294 rodena po pandžto jali pobuter droma.
Prekal e Germaniakoro Federalno Ofiso baši statistika 1,78 milionia manuša rodingje azili ki them maškar 2010 thaj 2018 berš.
