O dizutne taro Vizbegovo na mangen e čhaven taro nekanutni institucia “Ranka Milanović“ ko plo pašipa.
Akava kher ko momenti si kher e trin čhavenge so sine akana sig ko ofiso tari Ranka Milanović , a akana si tikno grupno kher. Ola si akana akate stacionirime soske o socialno angja decizia kaj asavke formaja taro akomodacia ka ovel majefikasno olengere pedagoško preformulaciaja.
O trin čhave taro nekanutni „Ranka Milanović“ si akomodime ko tikno grupno kher ko Vizbegovo em isi len 24 saatengiri opservacia taro ekspertoa, Ola akate avgo drom si len siguritetno tato kher em kontrola so dži akana na sine len ko dživdipa. Nekobor kurke angleder te aven akala čhave akate ko kher ko Vizbegovo sine informirime sa o paše dizutne so sine arakhle ko ple khera.
Ama aver rigatar o dizutne taro Vizbegovo došakeren e bukjarnen ko centro prekal socialno butikeriba kaj prekal socialno netvorkop kergje atako mujal o manuša so na mangen sine akala čhave te aven akate em kaj vakergje kaj akala problematično čhave ka keren bari belja olenge.
O Helsinško komiteto da kerel reakcia em dela apel dži ko dizutne taro Vizbegovo te sikaven empatia, tolerancia em te akceptirinen akalen čhaven so ale ko lengoro trujalipa ko kher so nane institucia em si sar forma familiarno kher, a si faktiško šarti te špaj akala čhave socializirinen pe am te keren progresi.
