O baro kriso an i republika Slovakia angja decizia te del pe lovengiri reparacia štar Romenge so saste 13 berša nasukcesiale vazdingje kriseskoro proceso mujal i diskriminacia. Ola angje kriseskoro akti baši diskriminacia soske jekh restoranti thaj olakoro personali na manglja te del profesionalno aktiviteto ko jekh gac trujal Vranov nad Topču ko noemvri 2005 berš aso olengoro etnikano preperutnipa.
O Krisi dikhlja buteder anomalie an o proceso ko aver krisoa so angja ko but baro beršengoro prolongiriba e deciziake thaj dengja sakone Romeske po 1.000 eura kompenzacia thaj te pukjinel o restoranti o sasto kriseskoro proceso.
I akcia baši protektiova tari diskriminacia sine andi tari rig e viktimenge ko mart 2006 berš . Akava sine jekh taro avgo akcie so implementiringja e slovakiakere krisoa te čhinavel pe i diskriminacia taro 2004 berš.
„Odova dive avilem vordonea tari buti taro Prešiv em gelem ko restoranti. O personali e restorantoske vakergja kaj nane te anen amenge khanči soske siem Roma" vakeren o viktimia Roma.
