O planirimo dromariba ko šampionati ko grastengere trke ko Lahti ki Finska , sine irame bahtale utsavalkeribaja kana o Anri Bolstromtaro Jiviskili viktoriringja pire grastea o Then Tovomus.
O Bolstrom legargja i viktoria pire pastuvea ko savatono starto ko 2.100 metria, sine trinto ko kurkeskiri kilomteraža (1609 metroa ) thaj ko finale taro 3,100 metroa.
Sabarabutno vakti tari viktoria sine 9,32,6. O lideri taro Kimmo Taipale, Valkin Tuisku, ačhile 0,8 sekundia thaj sine dujto . O Kaijus , so sine legardo taro Anto Teivain sine trinto.
O Bolstrom , thaj 8 beršengoro Tohen Tovomus thaj o treneri e grastengoro Pauli Raivio avgo drom khuvgja ko akava šerutno trka finsko grastea thaj sine sasto hiti.
I viktoria taro Bolstrom sine historikani. Avgo drom ki historia e šampionateske ko grasteskere trke ki Finska i titula taro Royal Cup lelja la jekh Rom.
„Akava si but importantno amare Romenge ki Finska . O grasta sako drom sine importantno nišani amenge e Romenge . Akana buteder khera si bahtale sebepi amen" vakergja o Bolstrom , resibaja o bahtarina ko depo ko Jokimma.
Sine aver da Roma šampionia ko nakhlo periodia so lele o Royal Cup. Sar egzamplo ko Turku , o Viter so viktoriringja ko grastengere trke ko 2016 berš sine treneri ko Svart.
O Bolstrom (35) si e grastencar sasto vakti taro pire terne berša . Ov dikhel arakhel e grasten em akana oleskoro fokusi si ko prastajbe grastencar.
„Sako šaj kerel odova samo trebel te ovel uporno. Panda si phare te arakhav o lafia so sine akava mancar. O Tahen Toivomus si čače šukare gras so nekana ukliljum le" vakergja o Bolstrom.
Trjal o lačho venco, o trofei ov lelja but love da. Akale viktoriaja ko Houp ov inkasiringja 74.500 eura.
Ko anglonilaj o Balstrom kergja profiti taro 1.000 eura.
