Štar tinejdžeria Roma , sarine tikneberšengere , kergje panika maškar o manuša sebepi so misteriozno našavdile.
Angleder duj kurke taro Bjelovar ki Hrvatska našavdile štar tinejdžeria. Majanglal sine notirime o našavipa duj dženendar- phral thaj phen a palo odova panda duj terne dženenge.
Majanglal našavdile phral thaj phen taro than Lasovec ko pašipa taro Bjelovar
Andrijana (16) thaj Zlatko (17) Bugarinović , so ko 19 juni iklile taro kher pire mamijakoro thaj majodorig nane nisavi informacia kote si. Palo duj divesa našavdilo thaj o Jovo Stojčevič (17).
Numa oleskoro than dživdipaske anavkerdo sar narta trujal o Bjelovar thaj baš odothar palo duj kurkesa ko 5 juli našavdili thaj oleskiri phen i Katerina Stojčević (15), vakeren o mediumia.
Aso informacie taro mediumia akala našavipa si konektirime maškar peste thaj šaj našče savore barabutne.
Kerel pe lafi bašo tinejdžeria Roma so anglutne da našle pherdo droma taro kher.
