E europakoro kriso manušikane niamenge angja dekretoe italiakere govermentoske te arakhel adekvatno akomodacia e romane familienge so sine dislocirime persi kurko taro Giuliano . O kriso validiringja o niami jekhipa e romane familienge thaj o zaruripa tari akomodacia . Sar urgentno akto sine aplicirime anglal o Kriso taro Associazione 21 luglio thaj o Europakoro Centro Romengere niamenge (ERRC).
An o 5 aprilo 2019 berš taro ando dekreto e dizjakere šerutne ofisoske sine havljarde te dislocirinen pe paše 450 Roma so si an o kampo Via del Vatikale an o komuna Giuliano taro sastipaskere faktoria. I komuna angja rezolucia baši aolternativno akomodacia e Romenge numa ni jekh propozalo bašo o familie na sine kerdo.
Javinate ko 10 maj 2019 berš resle i policia thaj e familienge vakergje te džan taro kampo Via del Vatikale . Aso o notacie taro Roma ko vakti thaj anglali olengiri dislokacia e Romen samo mujeja vekrdo te džan peske taro Giuliano thaj vakergje dži kote na keren odova olengiri akomodacia ka čhinavgjovel thaj olengere čhaven ka lel i them. 450 Roma ačhile an o odova propozalo ma te pomukhen em te ačhon ko akana peravdo kampi an i industrisko zona an o Giuliano.
I nevi lokacia nane akomodaciakoro lačharipa.
73 familie ko momenti so kampunjena odothe nane len khera thaj soven an o vordona jali telal phravdo than ko bilačhe vaktia.
Olen akana nane šajdipa elektrika thaj pani pijbaske em toaletia. 105 čhave so džana sine an i škola akana na džana.
Associazione 21 luglio an o pres konferencia thaj on line apelo rodel kaj si teleperaviba o niamia akale čhavenge thaj e romengere soske nakanonika dislocirinen len sine.
Ola akhargje e komuna Giuliano urgentno intervencia te keren thaj te den desave adekvatno faisalia thaj akomodacia akale manušenge, garantiribaja findavitne niamia an o edukaciakoro proceso thaj barabutne ERRC promocia an o regresi e Europakere Krisoske manušikane niamenge.
An o 17 Maj i decizia ali taro Europakoro kriso an o Strazbur so notiringja dži ko italiakoro Govermenti te garantirinel em arakhel akomodacia e čhavenge thaj olengere familienge so sine dislocirime taro Via del Vatikale.
