O Alfi Best si biamo an o karavani ko Lester angleder 52 berša . Avdive dživdinela an I palata taro 6 milionia funte , akana sig kingja jekh taro 15 helihopteria kerde tari kompania Aston Martin (bašo 4,5 milionia) em panda hari ka ovel milijarderi. Agjaar o Best ka ovel avgo Room milijarderi.
„Kingjum le bukjake, hava sovli – khelgja pe hari ov hari ko magazine The Sun soske ujraribaja šđaj te resav dži ko pandž parkia ko jekh dive. Ko vordon sebepi I monotonia taro dromaripa sine man em duj trafikoskere bibaht sebepi so zasukjum ko vordon. O parkia so ov vakerel len si kotoor tari oleskiri imperia, Wyldecrest Parks, 91 mobilno parking thana ki Britania so si moldipaja taro 700.000 funte.
O avgo aktia ko biznisi o Best kergja olen kana sine le 10 berš , kote sine pe dadea koo bikiniba taro udar ko udar.
„Šungjen li nekana o lafi “Kere sig lafi sar Rom” Ko vakti tar akala tikne konverzacie e Best sine le salde 13 sekundia vreme te šaj iranel I sama oleskere potencialno klienteske.
Em sebepi akaja “škola” siklilo o zanati bikiniba.
K ple 16 berša kewegja kompania baš bikiniba em rent a kamp priklke, a ko 20 berš astargja biznisi mobilno telefonencar . Sar kergja buti ko asavke dukjania trin masekoa em siklilo ov reslja krediti tari bank ate kerel piro biznisi em bašo pohari taro berš thaj jekvaš , sine le 13 dukjania ko London.
Kana akava profitabilno biznisi sine bikime, o Best investiringja ple love ko komercijalno imotia em akana isi le 80 hektaria industrisko phuv an I Britania.
Ko avutne nekobor berša oleskiri romni I Emili vakergja te investirinen an o umalja kote so isi len džanlipa, Oleskoro romano ilo legarel le ko parking vordonenge , Ko 2001 berš kingja piro avgo kotor bašo 1,7 milionia funte, a akana si le 91 placi.
I imperia soo si moldime 700 milionia funte , a o investicisko fondi kamel te kinel lestar sa odova bašo 950 milionia funte . O Best na akceptiringja akaja ponuda . “ na kerel pe lafi te profitirinel pes a pobuter em pobuter love vakerel ov – em džanav kana ka resel 5 jali 10 milionia na trubul tumenge te šaj dživdinen em te keren okova so mangena. Avrial taro odova limiti , I poenta sit e kerel pe khangig so ka kerel diferencia”
Youtube:
