Millja ukrainsko nashutne shaj agorkeren ko droma jali te iranene pe napalal an i Ukraina sebepi so isi nevo kanonbi an I Ungaria. E neve regulacie limitirinen o suporto e Ukrainake, odoleske numa kodola save aven katar e thana ki Ukraina save si direktno afektirime katar e Rusikani invazia ka šaj te ačhon. E ungrikere autoritetia čhivgje 13 ukrainsko regionia ki odoja lista, thaj o govermento themesko membro ki Europaki Unia ka publiciril jekh nevi lista sako čhon. Akana ki lista si Dnipropetrovsk, Donetsk, Zhytomyr, Zaporozhye, Luhansk, Mykolaiv, Odesa, Sumy, Kharkiv, Kherson, Chernihiv, Kiev Oblast thaj Krimea, jekh peninsula aneksirimi kotar i Rusia ko 2014 bersh. Nadžale pe taro totalno 31 000 ukrainska nashutne ki Ungaria avena taro riziko regionia thaj kobor ka overn akceptirime akale neve kanonea
Maj but phare si e Romenge taro paščimalo Transkarpatiako regiono, save akana beśen an o śerutne thana, save akana ka aven phanle, den informacija o aktivistia baś o manuśkane niamia. Lengiri pozicia si maj komplicirime soske majbut Roma isi len em ungariakoro em Ukrainakoro themutnipa. Odoleske ola nashti ni roden azili ko EU-thema.
