O lideria taro Paščimalo Balkani thaj tari Europakiri Unia avdive dikhena pe ko Kotor ko samite telal I parola “ Jekh regiono barabutni vizija”.
Ko samite lele than o presidento tari Srbia , Aleksandar Vučič . O oficijalno persone taro regioni, o reprezentoa tari EU thaj USA ka keren lafi bašo Plani Progresi ko Paščimalo Balkani. Angleder o Samiti isi daravutne mesažooa palo Vučič. “Odova sine proba bašo atentato upral tute - si jekh taro majskandalozno daravina so iklile, Maškar o avera bilačhe mesažoa
sine thaj akaja: “Akana nane pobuter te šaj makhe o jakha, trubul te kere okova soske dengjan lafi, soske em agjaar ka drabara tuke”
