Te ovel pe svedoko sar o lideria tari Srbia, Albania thaj Utarali Makedonia hulaven momentia tari kolektivno loš nane khanči nevi ama ni so ovel sako dive,, soske o regioni si pendžarde prekal maripa, konfliktoa thaj hulavipa. E srbiakoro presidento Aleksandar Vučič, e albaniakoro premieri Adi Rama thaj o makedonikano premieri Zoran Zaev asana sine ko momenti kana phiren sine ki diz skopje ko momenti kana parafiringje tilateralno ekonomikano kontrakti ko regionalno biznis forumi . I inicijativa Phravdo Balkani idea te formirinel pe barabutno marketi e themenge so I inicijativa bašo kinobikiba del šajsarin tromale te phurel pe sar so si o dizutne thaj o artiklia kberza bukjake. Prekal o notacie tari Lumiakiri banka o thema tari akaja inicijativa ka šparinen paše 3,2 milijarde amerikansko dolaria (2,71 milijarde eura) sako berš.
