O Roma so dživdinena an i purabali provincia Mersin an i Turkia, kergje promocia e jekhto Romano - turkiakoro alavari te šaj zojrakeren pli kultura thaj čhib, - akcentiringja o šefi e Mediteransko federaciake taro romane organizacie o Ali Dajlam.
O Ali Daklam sine iniciatori ko diferentno proektia thaj organizacia mitingia resarinaja nevekeriba thaj promocia e romane čhibjake.
"An i Turkia isi upreder 300 romane organizacie , ama 95% olendar na keren lafi i romani čhib", akcentiringja o Ali Dajlam ko intervju e Themakere agenicake Anadoli (AA)
"Akava si seriozno problemi . I Romani čhib nane dialekto. Oj si jekh taro majpurane romane čhibja an i lumia.
"Paše 100 milionia manuša an i lumia keren lafi akaja čhib . Paše 15 milionia Roma an i Europa keren romane lafi" dophergja ov.
"Amen keraja but buti te lačhara akaja situacia, thaj pakjaja kaj keraja la but profesionalno" vakergja o Ali Dajlam.
Dži akana sine editirime 300 alavaria.
Prekal o notiriba tari Europakiri Komisia an i Europa isi paše 10 dži ko 12 milionia Roma. Ko jekh prekal o lokalno mediumia, e trukiakere ofisia notirinen kaj o numero e Romengoro an i Turkia isi paše 600.000 Roma.
