Ko agor, anavkerdo online kurso ki romani čhib thaj kultura počmingja pe oleski realizacija. Pe inicijativa taro prezidento taro IRU, Zoran Dimov, thaj ki kooperacia e Filologikane fakultetea “Blaze Koneski” ko UKIM taro Skopje, Republika Utarali Makedonia ko 3. oktobri 2024. berš ka startuinol pe o programi thaj sikavipe bašo studiribe taro Romani ćhib thaj kultura, angluno nivelo prekal linia. Le lektora si o Daniel Petrovski, M.Sc., thaj o D-r. Sumi Yusuke. Ko klasa ka aven 20 kandidatia taro 10 thema, Makedonia, Srbija, Montenegro, Rumunia, Germania, Čehia, Slovakia, Dania, Švedo thaj Finlandia.
Ko angluno akademsko online klaso ka den piri putardi vakeribe o prezidento taro IRU Zoran Dimov, thaj o Dekano taro Filologikano fakulteti, Prof. Vladimir Martinovski.
O online sikavipe ka djal 3 chon e fondosa 60 lekciencar, duvar ano kurko 2 chasura. Ko agor e online kursesko, sa e kandidatura ka len Certifikati certificirime kotar o Fakulteto vash Filologija. Akaja praktika ka ovel dureder implementirimi vash aver interesime kandidatia bizo dikhipe kotar olengo than kote jivdinena.
Aver rig, o kurso online vash akala 3 chon koshtinel 200 eura, thaj shaj te pochinel pe rate.
