I maškarutni škola "Šaip Jusuf" ko akale edukaciakoro berš startujngja ple butikeribaja. Premal o lafia taro edukaciakere institucie, arakhlo si profesorengoro kadari so pli arka dengja i diz Skopje thaj ko jekh administrativno kadari.
Ki akaja škola so isi la nekobor nasoke sar so si: ekonomsko, frizersko thaj thamikeribaskiri struka kote ko momento si 64 sikle. Dži berše trubul te profunkcionirinel thaj panda medicinsko thaj turistikano struka.
I avgo maškarutni škola ki komuna Šuto Orizari isi la 12 siklane, 4 kabinetia, fuskulturakiri hala, libroteka, thaj than sikljojbaske - drabrutnipaske ko sa o 4.405 m2.
O sikle tari akaja škola vakeren kaj sikljojbaja ki akaja škola tiknjaren pe olengere finansiko problemia so trubul sine te hulaven te valjani sine te džan te sikljon maškarutni edukacia ko disave škole so si ko centari e Skopjeske.
