I Romani abeceda - alfabeta si forma so astarel nekobor latinicakere thaj kirilicakere thaj aver sistemia hramosaribaske so istemalkeren pe te hramosarel pe i romani čhib thaj oleskere dijalektia. I Romani čhib dži ko XX veko na sine čhib so hramosarel pe sine, trujal so o abgo hramosardo dokumento an i romani čhib si panda taro 1542 berš.
Ki forma savi čhib thaj dijalekto kerel pe thaj agjaar varirinela i romani abeceda - alfabeta. Panda nane kerdi nesavi definitivno standardizacia e romane čhibjake thaj hramosaribaskiri forma.
Akaja abeceda -alfabeta e hramosaribaske an i romani čhib, jali saste vlaškoromani čhib si jekh forma taro jekh set hramosaribaskere kanonia ko hramosariba e čhibjake. I Abeceda - alfabeta si bazirime an i latinica. Numa o vokalia thaj o bukštablia varirinena taro regioni an o regioni.
I romani čhib an i Makedonia hramosarel pe an i latinica. Akaja abeceda - alfabeta istemalkerel pe an i edukacia e Romenge . O Krume Kepeski thaj o Jusuf Šaip (1980 berš) an o olengoro editorimo lil " Romani gramatika" akcentiringje kaj akaja abeceda -alfabeta istemalkerel pe an i Makedonia thaj Srvia tari rig e Romengiri.
Trujal i kirilica thaj i latinica , i romani čhib hramosarel pe thaj aver lilencar. An i Grcia istemalkerel pe i grčko hramosaribaskiri linia e romane čhibjake (trujal so but hari hramosarel pe an i romani čhib an i Grcia). An o Iran sar egzamplo istemalkerel pe arabisko alfabeta ko hramosariba e čhibjake.
Линк: https://mk.wikipedia.org/wiki
