Avdive an i FŠ „Brakja Ramiz thaj Hamid“ ko Šuto Orizari anglal baro numero misafiria sine prezentirime o performanso „Romane partizania“. O performanso „Romane Partizania“ si autorsko kotor taro m-r Daniel Petrovski doktoranto ko Instituti bašo folklori „Marko Cepenkov“ ko Skopje. O performanso fokusiringja pe ko partizansko aktiviteto an i Makedonia thaj lejbe than e Romengoro ki oleste ko vakti taro Dujto Lumiakoro Maripa.
O partizansko aktiviteto sine sar kontraikerin thaj uštipa mujal o nacizmi thaj fašizmi an i Eeuroa. Aso o kerdo rodaripa , majhari 200 partizania Roma lele than ko akava mariba ko vakti tari Jugoslavia. Ko akava performansi si notirime salde jekh tikno kotor taro romane partizania kote šaj sine te arakhel pe desavi notacia . Sikavde si informacie taro 50 romane partizania taro Skopje, Kumanovo, Berovo, Pehčevo, gav Crnik, Prilep thaj Bitola. Ko aver divesa akava performansi ka ovel prezentirime ko ploštadi e komuna Šuto Orizari ko 26.10.2023, ko 07.11. ki Topaana ko Skopje , a taro 13 dži ko 17 Novembro ko Muzei e Makedoniakoro ko Skopje. Organizatori akale performansoske si i Asociacia „Romano Ilo“ taro Skopje
