Pli reakcia thaj stavi ki konekcia e promociake e lileske "Otele Gjuptinot sikavgje pobuter Roma, intelektualcia, sikle, studentia thaj aver. Dži i redakcia e Web portaleske "Romatimes.news" bičhavgja thaj o studenti taro FON fakulteti o Doan Sulejmanoski taro Prilep.
Maškar o aver o Doan vakerel:
„Vakerena kaj o arti nane limiti thaj olakere simantre si nekote upre ko del thaj an i godi taro autori.
Numa faktea kaj dživdinaja an o multietnikano sasoitnipa thaj upral i funda taro amaro džovaplipa sar dizutne premal o Ustavi valjan te irana amari sama but faktenge nakamipaja te kera: protesti, bičalipa thaj aver aktia so ka keren zijani e tromalipaske an o amaro saositnipa.
Premal o Ustavi tari R.Makedonia o tromalipa taro sikavipa ideja thaj gnd thaj o tromalipa taro naukakoro , umetnikano thaj aver forme aktia preperena ki grupa taro fundavno manušikane niamia. Numa o analizirimo avipa e pučipaske: taro kote dži kote si o niamia , thaj kotar počminel o na-niami del rezultati kote teleperaven pe o niamia, teleperavipa avere niamenge thaj o aspekti taro autori (o autori thaj aver) kote šaj notirinen pe motivia bašo predrasude, stereotipia, lafi, diskriminacia thaj aver.
Taro akava aspekti avel pe dži i konkluzia kaj konkretno legaripa tari individua so legarel degradirime aktia, stavia, konzervativno gnd ultra ironiakere motivia thaj aver forme taro teleperavipa so si darhijalinipaja thaj purane aktia thaj aver.
But si klar kaj akate isi teleperavipa ko aktia e Kanoneske dizutnegoro džovaplipa bašo telepravin thaj minjoriniziripa.
Ko kanoni si hulavdo kaj i telepravin šaj te ovel lafestar, gestikulacia, animacia, toni jali aver čhani numa thaj protektirimi kategoria trujal fizičko persone thaj pravno , grupa thaj manuša so mule.
Bašo džovaplipa frdiba doš o kanoni hulavel kaj:" Baši kleveta kote avere manušeske jali aver identiteti mangipaja te kerel zijani oleskoro identiteti , anglal trinto manuš ikavel faktia so si zijania oleskere ugledeske jali valjani sine šaj te džanel kaj si hovavne"
Analiziribaja akkaja situacia evidentno isi elementia taro komunikacia tari natolerancia. Odova sikavel kote o namangipa kerel pe premal desavi grupa. Ove kerel te kerel ziani avere manušeske prekal rasno, etnikani, religiakiri thaj aver grupa e personake so properela, Asavkio vokabulari te teleperavel pe i individua jali grupa jali sikavlea namangipa , terori mujal olende" - vakerel o Doan Sulejmanoski an i pli reakcia.
