O Šaip Jusuf si biamo 1933 beršp an o Skopje a mulo ko 29 januari 2010 berš.
Ov biamo si thaj barilo ki prosečno barvali romani familia. Oleskoro dat kerel sine buti sar taksisti pajtondžia. Palo agor tari fundavno škola , sikljol gimnazia ko Skopje palo odova studirinel an o Univerziteti ko Beograd kote agorkerel o studie thaj
ovel diplomirimo profesori palo fizičko fiskulturno. Ov palo odova khuvel ki buti sar profesori ki Škola baši mehanika thaj metalurgia ko Skopje, thaj si sar prosvetno bukjarno dži ki penzia.
Ov si pendžardo prekal oleskiri permanentno aktiviteti upral i Romani kultura thaj literatura. Ov si fundamenti upral i Romani gramatika. Obv palo but berša keriba buti ko odola umalja definitivno orientirinel pes an i kulturnikani rig kote rodel o jeripa thaj darhianilipa e Romane manušenge, grupe, dialektia thaj aver. Ov sar kulturno bukjarno but droma gelo an i India te šaj definitivno te hilavel amari romani čhib kaj preperel an i Sanskrit grupa čhibja.
Ov konstatirinela kaj trubul te sikljovel pe pobari stručno literatura so datirinela taro majpurane romane thaj aver literaturno rodarutne kote barabutne kerel konsultacie ki nekanutni SFR Jugoslavia.
Ov sine ko avgo romano khidipa an o Parizi ko 1959 berš pali inicijativa taro Jonel Rotaru kote fundiringja o Lumiakoro Romano komiteto.
Palo odova odothe khuvel thaj o Vano Roda ko 1965 berš so legarel sine i grupa roma Tzigane.
Ko 1971 berš an o London kote avile 14 delegatora kote alusardo sar prezidento sine o Slobodan Berberski, viceprezidento doktor Cibula thaj o Gratan Puxon sar gen.sekretaro a o kontakto gelo majodorig ko dujto khedipa an i Ženeva ko 1978 berš, kana ale pobut taro 50 thema. Odova sine signali o Šaip Jusuf majangažirime te astarel pe an i buti e Romane identiteteske. O avgo lil ikavel ko 1979 berš anavkerdo sar " Amen siam e Titoskere, o Tito si amaro". Palo jekh berš ko 1980 berš ikljol i avgo romani gramatika. Ko 1996 berš ikljol o avgo romano alavari " Sikljovaja Romani čhib " so editirenl la Prosvetno delo . Skopje.
Odoleske i nevi maškarutni škola ki komuna Šuto Orizari legarel o anav taro akava baro romano kulturno, prosvetno bukjarno Šaip Jusuf
