Taro 15 dži ko 18 juni akava berš an o Košice, R.Slovakia tradicionalno po 22-ro drom organizirinela pe o Internacionalno festivaliu lokalno televizienge - „Golden Beggar”„Somnakaeskoro prosjako". O festivali avgo drom si kerdo ko 1995 berš , ideaja baši konekcia e tv materialekse so kergje len lokalno televizie thaj olengoro buvleste repordukcia. Ko odoja forma realizirinela pe i idea taro organizatoria te keren kolaboracia ki programsko šema, džanlipa, informacie thaj konekcia taro diferentno kulture thaj dialog.
O Organizatori si CityTV foundation ko čekat e Marsel Dekanovski thaj Eva Dekanovska.
Pali invitacia taro organizatoria akale festivaslek pli diskusia ka ovel e misafire tari R.Makedonia thaj organizatori e internacionalno filmsko romane festivaleske "Somnakaeskiri rota" o Zoran Dimov, so sako berš ikerel pe an o Skopje, R.Makedonia.
Ov ki diskusia anglal o misafirias sikavgja o džanlipa tari organizacia sar te resel pe ko majučo profesionalno nivelo e festivaleske thaj ko avutnipa te resel panda majbaro renome.
Ko jekh o organizatoria e duj festivalenge o Marsel Dekanovski thaj o Zoran Dimov kergje kontrakto ideake taro jekh interesno organizacia festivaleske sar Virtelno festivalo, so akala duj bare festivalia ka prezentirinen ko avutne editroialia. Trujal i programa akle beršeske akava festivali so lena than režiseria, audiovizuelno thaj TV filmsko produkcie tari sasti Europa, so ka resen o phursako statuetka taro „Golden Beggar”.
Ko jekh i TV BTR Nacional ko akava festivali ko 2012 berš reslja o šerutno phursako „Golden Beggar” e dokumentarcoske "Reciklatori".
