Ko vakti taro Holokausti , na sine salde o Jaudie so sine mudarde tari Nacistoa em na legargje o šerutno phariba taro rasizmi em egzekucia tari rig e Germanconnge em olenngere sojuznikia ko vakti taro Dujto lumiakoro mariba . O Roma da sine terorizirime ko vakti taro Hitleri em oleskere partneria.
O Nacistia ko olengoro logori ko Aušvic khedingje 800 Romane čhave ko baripa taro 9-14 berša ko akava dive. Sar mukhlja pet e ovel odova te mudaren pe odola čhave?
O Roma na mangen sine e Nacisten, definicia bašo Rom e nacistonge sine sikavdi sar so dikhen sine e Jaudien ko rasisitikane akti ko Trinto rajho. Panda ko 1937 berš, grupa Roma počminge te oven terorizirime ki Germania.
O Germancoa na kergje ni majhari kergje te garaven akava mudaripaskere planoa. Ko 1937 berš o d-r Robert Riter, rasisti medicinsko diplomaja dengja presentacia ko Paris sar si i rasno definicia e Romengiri, soske o Rajho dikhel sine e Romen sar „ Asocuialno“. Ko decembro 1937 berš o Hainrih Himler dengja dekreto kote upral i funda te astaren pe manuša, na kaj kergje kriminalo numa kaj si asocialno.
