"Rodaripa finasisko kompenzacia nene sa odova te dopherel o našavdo, a odova si trujal o biamo čhavo, te našave i hoš sar daj"vakerela i Elene Gorolova so pobut traro 11 berš kerel maripa te anel pe kompenzacia e džuvlenge so sine zorea kerdi sterilizacia ki Ex Čehoslovakiakiri republika" vakerel pe ki informacia tari osrvizi e gazetake iDNES.cz.
Oj korkoro sine jekh taro okola viktimia so sine čhivdi telel odova tretmani, zoprea sterilizirimi kana sine la 21 berš tari rig jekhe doktoreske ko vakti kana bijangja pe potikne murše čhavce. Odova sine kerdo ko hospitalo Vitkovice an i Ostrava trinto majbari diz ki them. Olakiri "signatura" baši sterilizacia lelja latar o doktor ko odova čhani so na notiringja lake o čačutne faktia akale sterilizaciake
Bašo 50 džuvlja so isi len aktia ko Nacionalno kriso sikavgje o fakti kaj kerde si nakanonikani sterelizacia. Prekal i Gorolova notirinela kaj o numero e džuvlenge ko asavke čhani si sterilizirime upreder 150 džuvlja so na džanen sine i procedura.
