Sako ko dživdinela sine ki SFRJ džanela kaj 22 decembro sine dive taro JNA, vakti kana dena pre sine medalia, generalsko činia an o askeri, thaj penzioniriba. Sar si fundirime thaj kobor vakti sine funkcionalno sar armia, kote em avdisutne divesa istemalkeren I šastra o armie taro sa o thema tari nekanutni Jugoslavia.
O dive taro JNA jail salde Dive e Armiakoro sine barodive e šastrale takatenge tari Socijalistikani Federativno Republika Jugoslavia – SFRJ em sine fundirime palo dendo dekreti taro majučo komandanti e armiake thaj ministeri nacionalno arakhibaske ko teganutni FNRJ o maršali Josip Broz Tito koo 20 oktobro 1947 berš . Kerel pe sine o dive k 22 decembro ki čest ko 1941 berš kana si formirime I Jekhto proletersko udarno brigade , I avgo operativno thaj ničhali jekhin koo Nacionalno tromalipaskoro askeri.
Ki čest e Diveseske tari I Armia , o Sojuzno sekretari nacionalno arakhibaske sako berš dela sine o phursakoo “Biš thaj dujto decembro” , a sebepi dekada tari JNA o federalno sekretarijati dengja da rm jubilejno medajlje.
Ko agor taro 1980-to berša I JNA sine la pobuter taro 220.000 džene ki armia šastraja, a ki čipota te ovel sine mariba, mobilizirinen pe sine em šaj te ovel sine 1.500.000 manuša.
Premal buteder džene I JNA ko odova vakti sine trintoo prekal zoralipa an I Europa, a nekoj notirinel kaj sine 5-to jail 7-to armija ki lumia. Palo agor taro Dujto lumiakoro mariba, pobuter taro 800.000 askeria em sasti logistika sine ko jekhto than taro sa o europakere armie ki viktoriribaskiri antifašistikano mariba.
Ki JNA sine diferewntno forme , em ofisia. O forme sine: pešadia, artileria, artilerisko raketno jekhina, mujalhavaeskere arakhiba (ko sa o trin forme taro JNA), oklopno jekhina, inžinjeria, arakhiba ABH, konekcia em simantrakere jekhina. O ofisia an I JNA sine: tehničko, tamikeribaskiri, magistersko, trafikoskiri, havajeskiri tehničko ofisi , arakhibaskoro ofisi thaj armisko policia, medicinsko, veterinarno, finansisko, jurisdikciakiri, geidetsji, muzičko thaj informativno ofisi. Ko agor taro 80-to berša em VOJIN (Havaeskiri kontrola, informacie em droma) sine sar ofisi an I armia.
Ki JNA den ape sine em diplome sar so si “primerno askeri” jail okola so ko sasto ikeriba e askereskere periodoske buvljarena sine o amalipa, phralipa thaj jekhipa, em sine šukar ki armisko praktika.
I JNA oficialno čhinavdili ko 20 maj 1992 berš , kana o JNA sine notirime sar armia e Federativno republikake Hugoslavia . O askeri tari Republika Srpska sine formirime taro jekhina taro JNA so ačhile ki Bosna thaj Hercegovina, a I Armija tari Republika Srpsko Kraina sar jekhina an I Kroacia thema tari purani Jugoslavia.
