Avgo drom an i historia e Romane tradicionalno Krisoske an o 13 Oktomvri 2017 bersh an o Beograd sine promovirime o Kodekso vash aktiviteto e Krisoske.

Akava sikavela majzorali buti e membrenge taro Romano Tradicionalno Kriso te lel i savala taro saste profesionalni aktiviteto so si sherutno prioriteto e Romane Krisarenge.

Akava sikavel majzorali pativ thaj respekto mujal olende.

O Kodeksi sine promovirime thaj notirime anglal o IRU delegatia an o Sava Centar - Beograd ko vakti e Parlamentarno IRU mitingoske an o 13.10.2017 bersh. O Kodekso drabargja thaj Promoviringja ole o Shefi e Romane Krisoske o Gregor Julson tari Swedia.

Bibahtake si kana agjaar anavkerde "bare Romane patriotia thaj aktivistia" ko than te keren buti, sasto dives bešen anglal o socialno netvokro thaj bizo argumento thaj majnaeducirime keren zori te sasljaren pire plesutno jali grupnio kompleksia, thaj kamen te keren "autopromocia" asoske agjaar šaj salde te oven dikhle thaj notirime.

Olengoro stili bukjake si uže "parazitsko" bizo džiakanutno desavo dikhlo rezultato.  Dikhibaja kaj si "fantomia" an o piro aktiviteto (fantomia soske khanči nane aktivno) mangipaja te keren autorpomocia "khuvena" bizi resarin thaj fakti te šaj oven salde šunde.