An i akaja Konferencia so si organizirime taro RDIC thaj IRU an o Skopje ko 3 julo ka len than trujal IRU delegatia em govermenteskere institucie, ambasade thaj o Romano NGO sektoro, kote klar del dži ko đanlipa savi si i percepcia taro IRU ko leiba akcie an i majbari institucionalno aktiviteto kana si an o pučiba o Roma.

Odova javel pe ko sa o niveloa sar so si lokalno, nacionalno thaj internacionalno nivelo sa e problemenge so arakhljovela o majbaro europakoro minjoriteto o Roma.

Ko odova segmento sako drom keren sine propozalo aktiviteti so trubul te oven validno rezultatia an i eliminacia e džiakanutne na kerde lačhe rezultatia an i implementacia odole problemenge.

Odole problemencar tari IRU ka oven zapendžarde o uče misafiria thaj e themakere institucie sar so si o ambasade an i them.

Pativalen,

Akale lilea kamav te vakerav saste lumiake bašo so si o čačutne motivia e fantomsko "Lumiakiri romani federacia - WRF"

Majnaglal saste manuša sine zapendžarde prekal Socialno networko thaj FB statusia taro "inicijatoria formiribaske o WRF - World Roma Federation". 

Akate sar portparolia majbut sine o jammie Sztoika - Rom tari Amerika thaj i irina Daniela Hamidović.

Ola majanglal dengje informacia baši inicijativa te kerel pe aso sa elementia nalegalno thaj nalegitimno Kongreso an i Ungaria ko 18 juni 2017 berš. Bičhaven sine čuče formularia vash aplikacia te lel pe than an o odova Kongreso bizi definicia soske ka kerel pe vorba thaj bizi Agenda.