Avdive o Šefo e Komisiake an i Komisia vash Tradicionalno Romano Kriso , o Gregor larslun tari Švedia thaj oleskoro timo ka startujnel i procedura vash ikeriba o procesomujal nekobor romane aktivistia so si ani lista vash kerde kriminalia pire funkcienge.
Aso o infromacie tari Komisia e Tradicionalno Romane Krisoske avdive startujngja te bičhavel i akharin te len than an i direktno Video Konferencia ko vakti te ikerel pe akava proceso. Ani redakcia e web portaleske Roma Times reslja i Akharin taro Tradicionalno Romano Kriso.
Ake o sasto dokumento tari akahrin e Šefestar an i Komisia e Tradicionalno Romane Kriseske.
Pativalen rajonalen
An o agorutno periodo sa majbut šunasa thaj dikhasa kote nekanutne thaj akanutne aktuelno membrora an o IRU thaj aver romane organizacie bichaven mashkar o membrora thaj aver Roma, majbut fukalina - aktia te kerel pe kriso mujal desave manusha so si notirime sar dikrektno thaj indirektno kaj keren bilačhipa aver Romenge thaj pire funkciencar keren te čoren bare love thaj ki odoja forma phangen o kanono aso o Tradicionalno Romno Kriso, musaj te kerel akcia kote te Krisinel pe akala bilačhe momentia.
Odoleske o Tradicionalno Romano Kriso lel i obligacia thaj anel
A P E L O V A S H A K H A R I N
a ko jekh
D E C I Z I A
te kerel pe jekh Tradicionalno Romano Kriseskoro proceso
Akava proceso ka kerel le o Šefo taro Tradicionalno Romano Kriso a odova si o Gregor Larlsun tari Švedia, a ko timo ka oven o purano respektirimo membro an o IRU o rajo Grattan Puxon tari Bari Britania thaj rajo Stevo Radul Balog tari Austria sar IRU presidento an o Parlamento. O aver 4 membrora an o timi šaj den propozalo thaj aver romane organizacie.
Te šaj majtransparentno te ovel kerdo o Kriseskoro proceso, ov ka ovel kerdo sar Video Konferencia - in live. O proceso ka ikerel pe an o 18 Septembro 2016 berš - Kukro an o 13:00 časo , aso centralno evropsko vreme - CEV
O Kriseskoro proceso ka ovel vazdime upral akala persone:
1. Zoran Dimov - Makedonia
2. Dorin Cioaba - Romania
3. Normunds Rudevisc - Această adresă de email este protejată contra spambots. Trebuie să activați JavaScript pentru a o vedea.
4. Jovan Damjanovic - Srbia
5. Bajram Haliti - Srbia
6. Ioan Gruia Bumbu -Romania
7. Vasilie Drangoi - Moldova
8. Stanislav Stankiewicz -Poland
9. Dragoljub Ackovic - Srbia
10. Mihai Gheorghe Nedelci - Romania
11. Daniela Irina Hamidovic Magureanu - Germania
12. Alexander Bariev - Ruska federacia
13. Jamie Sztojka - USA
Savore akala persone ka oven an i lista vash o Kriso, te shaj anel pe decizia si li ola došale, jali na.
Sa o krisime persone trubul te den piri decizia kaj ka oven ko 18 Septembro 2016 berš -Kurko an i akaja Video Konferencia in Live majpalune dataja 16.09.2016 berš - Paraštui dji ko 16:00 o časo.
Savore ko nane te del antvorto vash odoja data, o Tradicionalno Romano Kriso ka dikhel la sar akto kaj nane len argumento te ikeren piro akto.
O Tradicionalno Romano Kriso si kerdo aso IRU Statuto Šerutnipa 7 an o membroa 48, 49 thaj Membro 53 an o nukte taro 1 dži ko 4..
Sar Šefo e Timeske taro Tradicionalno Romano Kriso, udjarav tumare antvortoa vash o dendo paluni data, an o miro e mailo.
Devlesa
Gregor Larlsun
Šefo an o Timi vash Tradicionalno Romano Kriso
