O direktori tari neviformirimi Romani Fondacia kote  Soros dengja la 100 milionia eura bašo Roma o Željko Jovanovič sine le dikhiba e kotor membroncar taro Netvorko vash sistemsko faisalia thaj inicijatoria e Romane Nacionaln Platformake.

Ko dikhibe than lele o Zoran Dimov, Koordinatori e Netvorkoske thaj e NRP thaj olakere membrra, o Erol Ademov taro Štip,  Ahmet Jašarovski Kumanovo,  Šenaj Osmanov Štip thaj  Ramuš Muarem Skopje.

Ko dikhiba o  Jvanović sine asistirime taro Ali Redžep Čupi.

Ko vakti taro mitinbgo sine diskutirime bašo pozitivno thaj negativn situacie sar ko NG sektori agjaar k plitikano aktiviteto e Romane jekhinake an i them thaj nanaiba  akcisko plana thaj olakere kapacitetoa thaj pozicie taro vlijanie.

Ko vakti taro diskusie o Jovanvić akcentiringjsa kaj o Roma an i them trubul te fokusirinen pe ko avutne starteško resarina ki paralela e ekonomsko, politikano thaj kulturakiri definicia e Romane jekhinake.

– Amari resarin si te len pe aktia te implementirinen pe ki praktika so si ko interes e Romenge . A te šaj odova resel pe valjani ko Roma te keren kulturakiri revolucia  thaj andruni orientacia “ vakergja o Željko Jovanovič.

O reprezentoa e Netvorkoskere thaj tari Nacionalno Romani Platforma akcentiringje kaj trubul bizo prolongiriba pire saste kapacitetencar te keren barabutne butikeriba bizo individualno jali grupno favoriziriba nekaste.

O Romane džuvlja tar srpsko thaj makedonikano nacionaliteto fundiringje piro avgo asociacia e Romane džuvljake so si registririme an I Germania.

O fundaviutne postulatia akale Asociaciake e Romane džuvljake zojrakerel  o status e Romane džuvljake an I familia thaj sasoitnipa, mariba mujal o terori, zor prandina thaj familiarno em seksualno terori.

Te šaj formirinel pe em registririnel pe akaja asociacia piro suprto dengja  srpsko konzulati an o Dizeldorf ,  generalno konzuli  Pranislava Perič thaj  Centro baši integracia e Romenge.

 (RICOM) so ale ki idea  Romane džuvlja te organizirinen pe em avgo drom an I historia tari Utarali Rajna Vestfalia te keren asociacia so ka keren aktiviteto ko teme so si interesno e Romane džuvljake.

O president e Asociakoro i Songjul Ahmed, bašo Tanjug notiringja kaj  majbaro problemi ki Romani džuvli si čhibjakiri bariera.

„E thema si la programa baši integracia numa odola programe nane akceptirime amare džuvlenge thaj dikhaja kaj nane rezultatia. Isi džuvlja s beršencar dživdinen an I Germania ama isi len problema te arakhen lačhi buti jail te educirinen pe “ vakergja oj.

I Ahmed vakerel kaj  problemi nane salde an  themakere institucie , numa em ki lengiri jekhin.

Ko momenti I Asociacia si la 13 membria , a o ofisi si an  Dizeldorf. I Asociacia e Romane džuvljake si kerdo sar telo ofis e Centroske baši integracia e Romenge, organizacia so ko piro dujberšengro aktiviteti kergja kontaktia importantno instituciencar tari Utarali Rajna Vestfalia.

Link: https://www.rtv.rs/sr_ci/zivot/zenski-kutak/prvo-zensko-udruzenja-roma-u-nemackoj-osnovale-romkinje-iz-srbije-i-makedonije_1476026.html