O paluno akti taro astariba e policiako kotar e Makedonia an i teritoria taro Kosovo, kova si suspektime kaj kergja falsifikati monete ano denominacie taro 2 euro, putargja o pucipe sar o dizutne shaj te pendzaren akala hohavne love. Sar phenen e ekspertia kotar e Nacionalno Banka, e tikne edukaciaja basho o dizutne, akala hohavne love shaj te pendžaren pe lokhe.

O dizajno e falsifikuime lovengoro dikhel pes kaj si nekvalitetno kerde, thaj lengiri forma si bi-regularno. E inskripcie ko riga e originalno euro monetenge si šukar, vash maj lokho te pendžaren pes e manuša so si sar egyamplo korole, a asavke notacie nane dikhle ko falsifikujme monete. Prekal o chijbe em magneti  śaj te arakhes but lokhes thaj lokho te arakhes falsifikuime love, phenel o NBRM.

Ko april sine jekh asavki akcia arakhli kotar e spaniakiri policia, kote astargje jekh kinesko grupa so falsifikujngje jekh milioni euro ko hohavne 2 euro monete.

E Spaniaki policia mukhla informacia sar te pendjarel pe hohavne euro prekal video thaj fotografije. Naj len but detalia thaj rabia ko falsifikujme monete sar so isi ko orginalno euro, thaj o maj lokho drom te dikhel pe si I varijanta magneteja. O orginalno monete si demagnetizirime thaj na  astaren pe ko magneti, a o falsifikujme monete astaren pe ko magnetia.

O 27 juni o Google pe pli web sajto čhivgja i romani chib e romenge.

Akava si baro importantno vash o promocia e romane kulturako ano ververutne chibja  thaj o normaliziribe e romane chibjako pe jek platforma e Googleske globalno dimenziencar.

Numa te vakerav o čačipe, akaja inicijativa majbut oficijalno inkerdili kotar o IRU ko 2016. Kerdo sine jekh digitalizacijako projekto ki forma te del pes jekh digitalono alavari kotar 20.000 romane lafia save śaj te aven palao odova dopherde.

O IT ekspertura kerena sine buti ki kreacia digitalno platforma, a o proekti sine dendo em ki Evropake institucienge. Odova digitalno leksikoni sine lafia so istemalkeren pe majbuteder o Roma taro Balkan.

Ko jekh, sine planirime te keren pes sub-klase kotar e kalderaške, vlahikane thaj lovarne dialektia, thaj te kerel pes o tereno baši leski standardizacija.

Numa soske o proceso but pharo baši leskiiri standardiziribe, nesave organizacie forsiriingje les thaj na definirime sine promovirimo ki Google platforma, savi bibahtake akana lel o kredito vash peste sar e anglune inicijatorura thaj promotoia.

Numa te pakja, kaj ko paše vakti o romane čhibake ekspertia ka arakhena jekh khetani čhib thaj bizo ego, e romani čhib ka avela jekhutni, so del šukar drumo savorenge okola so kamen te sikljonn I romani čhib. O IRU bešel hazri baši kolaboracia em implemetacia ple proektea.