An i Belgia, Britania thaj aver europakere thema , o preperutne taro nekanutno hitlereskoro paramilitantno Schutzstaffel (SS) majodorig lena peske germansko penzie.

Sar so si akcentirime an o NBC kerel pe lafi bašo 27 nekanutne askeria -militantia. I sasti situacia sine notirimi kana štardeputatia an o belgiakoro parlamento rodingje te čhinavel pe te pukjinen pe asavke penzie thaj prezentiringje dokumentia kaj asavke penzie panda isi thaj panda den pe loven asavke manušenge.

Numa sar so dopherela o NBC taro jurisdikciakoro faktori nane deviacie kana kerel pe lafia bašo o pukjiba.

I Germania isi la dende obligacie taro purane vaktia thaj taro Trinto Rajh kana kerel pe lafi bašo pukjiba penzie e askerenge, so si akcentirime an o Dekreto taro 1941 berš a signaturaja taro o Hitler. Akaja si jekhutni andi decizia taro Hitler so kanonikane ačhili panda validno thaj em palo Postdamsko konferencia an o 1945 berš.

E belgiakoro legaripa na džanen saste bašo save dizutne olkendar kerel pe lafi soske salde e Germancon si len informacie bašo olengoro identiteto.

Sebepi si nane len obligacia e themen membria an i EU maškar peste te den informacie jekh avereske bašo prekalsimantarakoro pukjiba o penzie , o pikjiba kerel pe bizi te čhivel pe danoko. O penzie bašo nekanutne Hitlereskere militantia si taro 425 dži ko 1275 eura.

Trujal o dži akanutne lende aktivitetoa an i diskriminacia e čhavenge Roma an i Makedonia majodorig olate isi la panda. Bari diskriminacia si notirime ko kotor tari personalno identifikacia kana si an o pučiba persone so evidentirinen pe ko personalno lila bianipaske , thaj isi segregacia upral etnikani funda, majbut kana si afi bašo čhave Roma an i škola. Ko jekh i situacia e čhavencar Roma pe droma si but alaramantno, kote 98,2 procentoa olendar si Roma. Registririme si thaj aktia tari diskriminacia ko umalja taro kherutnipa thaj akcepcia an o dende informacie.

Akava si salde jekh kotor taro forme diskriminacia ko čhave Roma, internacionalno thaj kherutni regulativa, nacionalno politika thaj institucionalna akcepcia– analiza aktia an o tereni so sine prezentirimi sar kotor e proekteske "Eliminacia tari diskriminacia mujal o romane čhave"

Te šaj nakhaven pe asavke situacie akcenntirime si an o raporto , kaj trubul te kerel pe buti an o vazdiba i gind thaj kapacitetoa an o institucie thaj ko dizutne baši protektivba tari diskriminacia , te bajrol i ginda te prependžaren pe i diskriminacia, majbut ko viktimia so si preperutne etnikane jekhinake -Roma. Te šaj nakhavel pe akaja sakodiveseskiri situacia trubul i kherutni kanoneskiri regulativa majsig te akceptirinel pe sar okoja internacionalno thaj i them te akceptirinel len, thaj baši majlačhi impelmentacia e nacionalno politikenge.

O premieri Zoran Zaev so kergja diskusia an i finalno konferencia e proekteske, vakergja kaj i them si la obligacia te kerel jekh sasoitnipa savorenge, na salde sar floskula, numa realno thaj si an i majuči agenda e Govermentoske.
-Nko na tromal te ovel diskriminirime thaj bisterdo. Majhari odova te ovel desavo čhavo, a ekstra okola čhave taro socialno grupe familie. Amenge o čačutno respekto thaj sasto dživdipa svaorenge isi bari pativ kaj ka kera odolea sast sukcesiali them, kher savorenge, vakergja o Zaev.

O EU ambasadori an i them . Samuel Žbogar vakergja kaj trujal so i them kerel but aktivitetoa te čhinavel i diskriminacia , ola isi la panda thaj odova dikhel pe pe droma, fakti kaj buteder lhaven nane len dokumentia , dživdinen ko bilačhe šartia , nane len edukacia thaj aver. Odoleske, vakergja, trubul koordinacia e politikenge, participacia e targetoske thaj te arakhen pe fondia thaj love te šaj realizirinen pe.

O Nacionalno odbusmano Idžet Memeti vakerel kaj o problemi trubul te ovel prezentirime phravde sar so vakergja o problemia e romencar si problemi savorenge thaj saste themake. Pučibe si, vakergja ov siem li hazri te arakha faisali - rešenie e problemoske thaj integracia e Romenge an i them. te sine agjaar trubul te keren pe aktivitetoa an o odova drumo, vakergja o Memeti.